~*~*~*~*~* અગર શ્વાસ હોય તો ~*~*~*~*~*

રસ્તામાં ક્યાંક મારી પડી લાશ હોય તો,

આપો ઉછીના ચંદ અગર શ્વાસ હોય તો.
ઘોંઘાટ કેટલો બધે દુનિયામાં થઈ ગયો!

સુણવાની મૌન ટેવ સૌને, કાશ! હોય તો.
મારા ગુના અતૂટ અફર કેદ થઈ ગયાં,

છટકી શકું દિલે જો બચી પ્યાસ હોય તો.
અંતર બે દિલની વચ્ચેનું વધશે નહીં જરી,

વચ્ચે જો મોકળાશનો અવકાશ હોય તો.
સીમા ઉવેખી બેઠા શું સૌ એ જ કારણે?

ફળ અંતે જો મર્યાદાનું વનવાસ હોય તો.
ફરિયાદ બંધનોની નથી, જોર કર હજી,

ઈચ્છા ડગી જશે યદિ ઢીલાશ હોય તો.
મીઠાશ ક્યાંથી શબ્દમાં આવે પછી, કહો!

દુનિયાએ ઠાંસી દિલમાં જો કડવાશ હોય તો.